Трох тамільскіх уцекачоў са Шры-Ланкі пасялілі ў эмігранцкім раёне Парыжу. Баявік - сепаратыст з "Тамільскіх тыграў", які страціў жонку ды дзяцей, жанчына, якая засталася без дому, і дзяўчынка - сірата выдаюць сябе за сям’ю, каб атрымаць палітычны прытулак. Дыпан - іхнае новае прозвішча, запісанае ў сфальшаваных дакументах, - лучыць іх. На новым месцы - іншае жыццё, да якога трэба прызвычаіцца, паўстаюць іншыя праблемы.