Падзеі фільму разгортваюцца у часе вайны. Малады мастак Ян і ягоная жонка Барбара хочуць мець дзіця. На жаль, з цягам часу яны разумеюць, што нехта з іх бясплодны. Пачынаецца вайна. Ян зарабляе на ўтрыманне сям’і пераважна «халтурамі», якія яму зарганізоўвае Ёдла – паліцай, які дэманстратыўна, але безвынікова падлашчваецца да немцаў. Аднаго дня Ян прыводзіць у дом габрэйку Рэгіну. Барбара хоць і неахвотна, але згаджаецца перахоўваць яе. Паміж Янам і Рэгінаю загараецца каханне, у выніку тая зацяжарала. Даведаўшыся пра гэта, Барбара адчувае падвойнае прыніжэнне. Апроч таго, што муж ёй здрадзіў, высветлілася: гэта якраз яна бясплодная. Ад роспачы і разгубленасці яна думае выдаць Рэгіну немцам, але ў апошні момант яе ад хвалявання ванітуе, і яна тлумачыць гэта немцам як праяву цяжарнасці. З таго моманту Барбара пачынае ўдаваць перад усімі, што яна цяжарная, а Рэгіну і ўдзень і ўначы зачыняе ў шафе, дзе тая зазнае псіхічныя катаванні.