Паваенны Лондан у часе нястачы ды строгай, хаця шмат у чым крывадушнай грамадскай маралі. Вера Дрэйк ужо 25 гадоў у сужэнстве, мае дарослых дзяцей – дачку Этэл і сына Сіда. Кабета прыбірае ў дамах багацейшых лонданцаў, даглядае хворую маці. З дапамогаю Веры дачка знаходзіць сабе кавалера, і неўзабаве сям’я сыходзіцца, каб адсвяткаваць заручыны. Пасярод бяседы ў кватэру прыходзіць паліцыя і вінаваціць Веру ў тым, што яна праводзіць падпольныя спароны.