Польшча ў перыяд нямецкай акупацыі ў часе ІІ сусветнай вайны. Францішэк Клос, паліцыянт з правінцыйнага мястэчка, сумленна выконвае свае службовыя абавязкі: пераследуе габрэяў і канспіратараў. Але ўсё часцей яго мучыць сумленне, родная маці ім пагарджае, у сям’і разлад – і ён топіць свае пакуты ў алкаголі. Аднойчы акалічнасці змушаюць яго забіць паляка; праз пэўны час Клос атрымлівае паперу, дзе паведамляецца, што суд Рэспублікі Польшча прысудзіў яго да смяротнага пакарання. Фільм зняты паводле аднайменнага раману Станіслава Рэмбэка, сюжэт грунтуецца на рэальных падзеях.