«Каралева аблокаў» – настальгічны аповед пра няўхільны бег часу, матчыну любасць і каштоўнасці, якія немагчыма купіць. Герояў фільму – самотную сталую жанчыну і маладога мужчыну, які мог бы быць ейным сынам, – злучыў сляпы лёс. Дзякуючы выпадковай сустрэчы, абое яны ўзбагаціліся новым досведам. Яна – у канцы сваёй жыццёвай дарогі перажыла цудоўныя імгненні, спазнала моманты радасці, здзейсніла свае мары; ён – адкрыў новыя каштоўнасці, пераканаўся, што не ўсё ў жыцці мераецца грашыма.