Які дзень можна лічыць цудоўным? Калі двое людзей кахаюць адно аднаго і жэняцца, а побач з імі за стол сядаюць іхныя бацькі. Усцешаныя, з усмешкамі на твары. І гэтыя ўсмешкі не пагаслі нават тады, калі маладыя не хацелі таго падарунку, які рыхтавалі ім бацькі. Замест шлюбнага падарунку – аўтамабіля «шкода» – Аня і Мікалай бяруць грошы, якія дапамогуць ім выдаць наступную кніжку. І хай людзі смяюцца. Маладыя самі ведаюць, што для іх добра. Галоўныя героі мараць пра сваю краіну, якая чытае кніжкі, з якой не трэба ўцякаць за мяжу, у якой можна жыць і якою можна ганарыцца. І яны ўжо ёю ганарацца. Крышачку...